قبل العشر الاوائل من ذي الحجة

#قبل_العشر_بعشر🌙

#العشر_الاوائل_من_ذي_الحجة موسم تجارة الآخرة ........
إحنا بنتكلم قبلها ليه⁉️⁉️⁉️

تخيل لو قولتلك قدامك عقد عمل ١٠ أيام بمليوووووون جنيه💰💸
◀️لو طالب هيقولك بلاش أدخل الامتحانات السنة دي.
◀️لو تاجر هيقولك هقفل المحل وبعدين ابقي افتحه.
◀️لو موظف هيقولك هاخد أجازة من الشغل.

دول ١٠ أيام بمليوووووون جنيه.

🌸إحنا بنتكلم عن ١٠ أيام أغلى من الدنيا وما فيها....
( أفضل أيام الدنيا أيام العشر)
         👍أفضل من رمضان
         👍أفضل من العشر الأواخر من رمضان ليلها ونهارها إلا ليلة القدر🌙

عقد عمل عند الله
🌱روي عن بن عباس أن الحسنة فيها ب ٧٠٠ ضعف.
يعني يعني ثواب صفحة القران ب ٧٠٠ صفحة 👍

صيام يوم عرفة يكفر ذنوب سنتين وهو أحد أيامها وليس أفضلها 💪💪

هذه الأيام 🗓لا تقاس بالساعات⌚بل بالدقائق....

قال الإمام الأوزاعي صيام يوم من هذه الأيام العشر يعدل غزوة في سبيل الله💪💪💪

إن لم تثقل موازيننا⚖ في هذه الأيام فمتي تثقل⁉️⁉️

عندنا مشاكل كتير في دنيتنا وأكبر مشكلة ⬅غياب التعلق بالدار الآخرة 😔

🔺لو قولت لشاب حرف القرآن ب ١٠ حسنات يقولك دي حاجة جميلة  لكن لو قولتله ب ١٠ جنيه مش هيبطل قرآءة.

لو كانت النساء تتزوج بحسب علو الإيمان في القلب هل هيبقي في واحدة تترك قيام الليل❗❗❓❓

صالح ربك🤝 بأحب الأعمال إلى ربك في أحب الأيام إلى ربك،،،،

زي ما جسمك ليه احتياجات كل يوم وكل ساعة وكل دقيقة ، روحك كمان ليها إحتياج يومي 👈بإنك تقرأ قرآن
و إحتياج كل كام ساعة 👈للصلوات الخمس.
و إحتياج كل ثانية 👈وهو ذكر الله☝

لو واحد عنده ٥٠ برج 🏢🏬 هيسكن فين⁉️
في شقة
ولو عنده ملايين هياكل كام وجبه🍔🍕🍱 واحدة؟

هو دا نعيم الإنسان في الدنيا طاقة التمتع لها حدود🚫 لكن في الجنة ليس لها حدود

قال رسول الله صلى الله عليه وسلم ( ما من أيام العمل الصالح فيها أحب إلي الله من هذه الأيام، قالو ولا الجهاد في سبيل الله؟ قال: ولا الجهاد في سبيل الله إلا رجل خرج بنفسه وماله ولم يرجع منهما بشئ).

أفضل 👍من الجهاد في سبيل الله؟ ... ياااااه

يعني ربنا مش هيأذن لحد يعبده في هذه الأيام إلا من أحبه الله💙💙
عايز تعرف ربنا بيحبك ولا لأ شوف هيفتح عليك في هذه الأيام أد إيه 👌👌

لازم تجهز قلبك إلى هذه العملية العظمي 💪💪 تجار الدنيا بيجهزوا نفسهم قبل الموسم بشهور فما بالك بتجار الآخرة ..

عايز تفوز🏆بافضل أيام الآخرة ❓
اجتهد في أفضل أيام الدنيا💪
اللي عايز يعرف قدره عند الله فلينظر في هذه الأيام أين أقامه الله؟ ،،،،،،،

تخيل🤔 لو واحد في المقابر وعدت العشر وهو بيقول يا نااس🗣🗣 اعبدو ربنا☝
إنتوا مش عارفين يعني ايه صحيفة اتقفلت⁉️ مش عارفين يعني إيه بني آدم مش عارف يقول تبت إلى الله⁉️
إنتوا مش عارفين يعني إيه إنسان معدش عنده عين يبص بيها في المصحف ،،
ولا لسان يذكر ربنا بيه،،
ولا رجلين👣 يروح بيها المسجد،،،،

عايزين نغتنم الأيام دي علشان نكون من أولياء الله الصالحين والمقربين🤲

🌸🌸أول حاجة عايزين نعملها في عشر ذي الحجه:

⬅ ٧٠٠ ختمة قرآن
 يعني ختمة واحدة ولكن أجرها مضاعف إلى ٧٠٠

⬅ الصيام.
من صام يوماً في سبيل الله باعد الله بينه وبين النار🔥 سبعين خريفا.. يعني صيام ال ٩ أيام تساوي ٣٦٠ سنة غير المضاعفة.
◀️نجهز من دلوقتي ونصوم اتنين وخميس

⬅خليك زي الشمس🌞 تنور الدنيا علطول ،،، نور للناس حياتهم ، ادعوهم للطاعة، اللي هيعبد ربنا بسببك هتاخد زي أجره 🌺🌺

🌿دل الناس علي الخير ،،،
إنت مسلم ،، إذن أنت داعية ،،
🌻🌻🌻🌻

اللهم اجعل ايام عشر ذي الحجة أيام فضل وخير علينا وأعنا فيها علي ذكرك و شكرك وحسن عبادتك🤲